Nung nakaraang Miyerkules, pumunta kami nina Jen, Steph, Baj, Kitch at Vincent sa SEC para kumuha ng Articles of Partnership para sa Law. Medyo maaga kaming pumunta dun kasi baka maraming tao at abutin kami ng ten years para lang makakuha ng AOP. Buti na lang, walang masyadong tao at mabilis naming nakuha yung AOP. Pagkatapos nun ay dumiretso kami sa Galle para manood ng Narnia! One down, seven to go! Memoirs at Cheaper by the Dozen na next Wednesday. Di ko tuloy alam kung ano ang uunahin ko.

----------------

Medyo kulang ako sa tulog these past few days. Hindi kasi ako nakabawi sa tulog nung weekend dahil nag-whole day meeting kami nung Sabado para sa 186, nagpuyat para sa Econ exam nung Sabado ng gabi, Econ exam nung Linggo ng umaga at gumawa ng homework nung Linggo ng hapon. Inabot din ako ng ten years sa kompyuter nung Linggo dahil sa feedback folder at pag-update ng checklists. 3am na tuloy ako nakatulog. At kamusta naman?! 630 ng umaga ako gumising. Kaya ayun, halos 12 oras akong tulog kanina – 1am to 1pm. Tapos mamaya magpupuyat na naman ako para sa exam sa finance sa Friday at lecture sa accounting bukas. Gagawin ko pa ang KSR at BPO namin sa 186. Owel, sirang-sira na talaga ang body clock ko.

----------------

Malapit na rin pala ang pinaplanong MSA Week (sa Feb. 6-10 na) pero parang wala pa akong masyadong nagagawa. Sa RVC naman, POS updating naman kami ngayon. Sa JPIA, job fair na next week. Sa JMA, mock marketing na rin. Hay. Nakaka-frustrate din minsan kasi kahit na anong gawin kong pag-iiskedyul e, parang kulang pa rin ang oras ko sa lahat. Yung tipong ang dami kong gustong gawin pero hindi ko pala kayang pagsabayin lahat?

----------------

Kahit konti na lang oras kong manood ng TV, dalawang palabas ang di ko mapapalampas: Etheria at Jewel in the Palace. Pero yung Jewel ang mas paborito ko sa dalawa. Sabi ng iba, puro pagkain lang naman daw ang palabas. Pero kung ganito ang pananaw niyo, ang babaw niyo naman. Higit pa riyan ang Jewel in the Palace. Siguro nagtataka rin ang iba kung bakit napakalaking isyu sa kanila kung sino ang magiging susunod na punong tagapamahala sa kusina. Mahalaga kasi ang posisyong iyon para kay Lady Choi dahil gustong makuha ng kanilang angkan ang kontrol sa pamamahala sa palasyo. May mga business dealings din kasi yung Kuya niya dun sa isang Ministro dun at dun sila kumikita. Kaya lahat ay gagawin niya para makuha ang posisyon na iyon, kabilang na ang pagpapadukot kay Lady Han. Unfortunately for her, natalo siya ni Jang Geum sa paligsahan. Kaya’t ang ginawa niya ay sinuhulan niya ang ibang tagapaglingkod at binoycott si Lady Han. Hindi raw karapat-dapat si Lady Han dahil wala naman siya sa paligsahan at galing siya sa mababang uri ng lipunan. Muntik nang panghinaan ng loob si Lady Han dahil sa nangyari pero buti na lang at andyan si Jang Geum upang umalalay sa kanya. Nagkaroon ng rematch at si Lady Han pa rin ang nanalo. Bitter naman si Lady Choi at di ko alam kung ano ang gagawin niya dahil mamayang gabi pa ipapalabas kung ano. Hehe.

Nakakatuwa ang palabas dahil punung-puno siya ng magagandang values gaya ng hope, faith, courage, at righteousness (totoo yan). Kaya nga Jewel in the Palace ang pamagat. Dahil si Jang Geum at ang kanyang mga kapanalig (sina Lady Han, etc.) ay mga natatanging personalidad sa isang lugar na punung-puno ng katiwalian at pamumulitika. Kahit na ganun ang sitwasyon nila, nagawa pa rin nilang tibayan ang kanilang loob at huwag magpadala sa mga “evil forces” na nakapaligid sa kanila. Kakaiba rin ito sa ibang palabas na puro love/romance ang theme. Yung mga tipong nagpapakilig lang (pero favorite ko pa rin ang Meteor Garden :P). Kaya ano pa ang hinihintay niyo? Manood na rin kayo para masaya!!! :D